Фольклор

  Торова”. Тюку страницахана я невхы лаханакоʼ, ярабц”,сюдбабц”,хынабц”, невхы иринана”- хаданана” мэ”мы, ваде”мы” сер” ӈа”.

 Я илелма ёльцьгана ненэця” яʼ няюʼ, идʼ няюʼ хаӈорондасяты”. Хубтахад не” ӈацекы” яранзеи” ма”ламбасяты. Небянадоʼ тикы яранзеи” тюнцяʼ итʼ ябтарасетыдо. Яляʼ ерʼ пиркана тиканандоʼ тыдоʼ, сыраʼ ханодоʼ, мядидоʼ нибтарпасяты”. Ӈоб ёльцяӈгана едадоʼ пинаӈгу. Хасава” хэхэʼ ханодоʼ тёмбаӈгу”. Ӈацекы” сянакода”. Пядада поӈгаʼ таняб”, хасава” поӈгадоʼ ватаӈгу”. Нехэв ханодоʼ, мядидоʼ, мядитоʼ тер нибте мале”мяхадандоʼ хэхэʼ ханʼ хэванʼ мэванда тольʼ тер хамедаӈгу”. Хасава хамедавы толькоцямʼ хэхэʼ ханʼ хэванʼ ӈабтасьтыдоʼ. Тад пуна тольʼ ядхана малʼ ӈаворта”.

Тюрыбцо’ (хынубцо), пун.

I. Нувмʼ ӈанинесэйңэ сертаба мэта” тюрыбцо’ таня”.Нув’ ядемпаб”, неняӈгата сап” – нюнян’ тарем’ тюрыць тара”:

- Нюнёв, нюнёв, мерцяр таӈэй,

Нюнёв, нюнёв ӈэрмар таӈэй.

 II. Нув’ сарё ңэб”, ңули” тецьбата, ӈэваʼ нимня тёрсавэй хэня  нюнян’ тарем’ тюрыць тара:

Нюнёв, нюнёв сарёр хана”, мерцяр хана”

Нюнёв,нюнёв, хаел та”, хаел та”.

                                  Пун.

Нюня тёрда ябти ӈэбта, тэдырпата, хуняна-хуна нумда ӈэрмаңгу.

III. Хэ’ cарё ңэб”, хэ” саць муно”пато’ –тарем’ лахана тара:

«Яво’ тяхакумнов, Яво’ тяхакумнов

Тюкохована, тюкохована

Халмяр”  лы”я”  сэбер’ пяраха”

Ханота ханзо тахабтариӈгуда»

Выӈгана мюсярта”: ненэй ненэця”, фольклорду.pdf

пословицы и поговорки:  скачать

   

 

Share